Հայաստանի անտառներ

Թեղուտում արդեն իսկ հատվում է անտառը

Շարունակում եմ Թեղուտին նվիրված շարքը, նախորդ գրառումները կարող եք տեսնել այստեղ, այստեղ և այստեղ:  Երբ սովորում էի Հայաստանի ամերիկյան համալսարանում, միակ բնապահպանությանն առնչվող դասընթացի ժամանակ հասկացա որ բնությանը հասցված վնասը շաաա~տ  դժվար է հաշվարկել:  Հաշվարկը անելիս տարբեր գործոններ պետք է հաշվի առնվեն և նույնիսկ լավագույն հաշվարկի դեպքում  միայն տարիներ անց կարելի է հասկանալ իրական վնասը:

Այս ամենի ֆոնի վրա հատ հետաքրքիր է մեր հայ պաշտոնյաների մոտեցումը: Բավականին հաճախ բնավիրման նախարարությունը տեղեկատվություն է տալիս ապօրինի ծառահատումներից բնությանն հասցված վնասի մասին (մեկն էլ չկա հարցնի, այդ ո՞նց եք հաշվել): Գլուխգործոցը  Թեղուտի ծրագրի վնասի հաշվարկն է եղել, որը կատարվել է 1984 թվականի գներով ու մեթոդաբանությամբ:  Բազմաթիվ մասնագետներ պնդում են որ այս  հաշվարկը սխալ է ու ծրագրի վնասը ավելի շատ է լինելու քան օգուտը:  2007թ.-ից բնապահպանները պնդում են որ վնասի  անկախ գնահատում է պետք, նույնիսկ կան միջազգային մասնագետներ որոնք պատրաստ են այդ գործը անել, միայն պետք է մեր Կառավարության հրավերը: Բնականաբար, Կառավարության կողմից հրավեր ստանալու հավանականությունը շատ փոքր է:  Բա որ հանկարծ պարզվի որ Թեղուտի ծրագրի վնասը իրոք հսկայական է…

Վերջերս Կոտայքի մարզի Մարմարիկ գյուղի հարևանությամբ գտնվող անտառում երիտասարդ ծառեր են հատվում: Փաստի մասին ահազանգել էր Սամվել Մարտիրոսյանը, ում հավաստմամբ հատված ծառերի մի մասը տարել էին, իսկ մյուս մասը դեռ չէին հասցրել տեղափոխել: Սոճիների կոճղերի վրա հող էր լցված` ըստ երևույթին թարմությունը վերացնելու համար:

Կոտայքի մարզպետարանի բնապահպանության և գյուղատնտեսության վարչությունից ավելի ուշ տեղեկացանք, որ ծառահատումներն ապօրինի են և նշյալ տարածքում կտրվել է 16 – 30 սմ տրամագծով 25 ծառ: Հայտնաբերումից անմիջապես հետո դեպքի վայր են մեկնել “Հայանտառ” ՊՈԱԿ – ից, բնապահպանական պետական տեսչությունից աշխատակիցներ, նաև ոստիկաններ: Կազմվել է արձանագրություն, գործը հանձնվել է իրավապահ մարմիններին:

Աղբյուրը՝ lragir.am

Հանքավայրերը Հայաստանում օր օրի շատանում են: Պաշտոնական տվյալներով մոտ 30 մետաղական և 300 հատ ոչ մետաղական հանքայր է բացված: Ընդերքի նոր օրենսգիրքը չի արգելու հանքավայրերի բացել անտառածածկ տարածքներում: Պաշտոնական տվյալներով Հայաստանի ՄԻԱՅՆ 11 տոկոսն է անտառածածկ, միջազգային փորձագետների արբանյակային ուսումնասիրությունների համաձայն` ՄԻԱՅՆ 7 տոկոսը: Անտառածածկ տարածքը շարունակում է օր-օրի նվազել անօրինական ծառահատումների ու ոչ պատշաճ կառավարման ու վերահսկողության հետևանքով:  Աղբյուրը` Լենա Նազարյան

Առաջին անգամ  հանքի շահագործումը անտառածածկ տարածքում թույլատրվեց Թեղուտի դեպքում:  Այլևս ոչ մի բան չի խանգարում կառավարությանը շարունակել այս արատավոր պրակտիկան: Ինչի՞ն ենք սպասում, ինչու՞ ոտքի չենք կանգնում պաշտպանելու մեր բնությունը:  Չլինի՞ կարծում ենք որ մեր իշխանությունները պահելու են մեր անտառները, չեն շարունակելու բնական ռեսուրսների անխնա սպառումը ու արտահանումը:

«Հայանտառ»-ի տնօրեն Մարտուն Մաթեւոսյանի ներկայացմամբ` Հայաստանի անտառտնտեսություններում այս տարի ապօրինի կերպով հատվել է 1700 ծառ: Նախորդ ամբողջ տարվա ընթացքում այս ցուցանիշը կազմել էր 2520:

Մաթեւոսյանը սա կապում է գազի գնի թանկացման հետ. – «Ապօրինի հատումների քանակի ավելացումը նկատվեց արդեն անցած տարի աշնանից` կապված գազի գնի թանկացմամբ հետ: Հիմնականում անտառամերձ բնակչությունը գազ չի օգտագործում, թեեւ կան նաեւ գազաֆիկացված անտառամերձ համայնքներ»: Continue reading →