Հատվելու է 650 միջին չափի ֆուտբոլի դաշտի չափ անտառ

Posted on July 20, 2011 by

Թեղուտի հատված անտառը

Թեղուտի պղինձ-մոլիբդենային հանքն այս անտառածածկ սարերի տակ է` Լոռու մարզում: Որպեսզի «Արմենիան Քափըր Փրոգրամ» ընկերությունն արդյունահանի պղինձ և մոլիբդեն, այն կառավարությունից թույլտվություն է ստացել հատել 357 հա անտառ` ավելի պատկերավոր` ՄՈՏ 650 ՀԱՏ ՄԻՋԻՆ ՉԱՓԻ ՖՈՒՏԲՈԼԻ ԴԱՇՏ: Թեղուտի անտառի հատումը կուղեկցվի ջրային ռեսուրսների չորացմամբ և հողի էրոզիայով, ինչի արդյունքում իրականում կոչնչանա առնվազն 2 անգամ ավելի շատ անտառ: Այս անտառների փոխարեն կլինի մեծ փոս` լցված մեռյալ ջրով:

Աղբյուրը` Լենա Նազարյան

Posted in Լուսանկարներ | Tagged , | 1 Comment

Զանգվածային ծառահատում Լոռիում

Posted on July 15, 2011 by

Տավուշի մարզի Տեսանկյուն լրատվականը տեղեկացնում է Լոռիում զանգվածային ծառահատումների վերաբերյալ: Ծառահատումը տեղի է ունենում Լերմոնտովո եւ Անտառաշեն գյուղերի մոտակայքում, ճանապարհամերձ լանջին հատվում են սոճիներ:  Հատման վայրում ցուցանակ է փակցված, որի վրա նշված է հատման տոմս N46 և ըստ որի պետք է հատվի 405 սոճի:  Նրանից որ ցուցանակ է փակցված երևի պետք է ենթադրել որ հատումը օրինական էր, բայց ցուցանակին նայելով մեծ կասկածներ են առաջանում: Նկարները` Տեսանկյունից

This slideshow requires JavaScript.

Posted in Լուսանկարներ | Tagged , , | 1 Comment

Վերջ տվեք թալանին

Posted on July 15, 2011 by

Կառավարության շենքի մոտ ամեն հինգշաբթի օրը կարելի է տեսնել բողոքի ակցիա անցկացնողների: Երեկվա միջոցառումը կարծես թե բացառիկ էր, իրենց բողոքի ձայնն էին արտահայտում բնապահպանները, հեծանվորդները, նախկինում բացօթյա առևտրով զբաղվողները, սեփականությունից զրկվածները….Չնայած որ տարբեր խնդիրների շուրջ էին հավաքվել մարդիկ, բոլորի հավաքական պահանջը մնում է մեկը`  վերջ տվեք այս թալանին:

This slideshow requires JavaScript.

 

Posted in Լուսանկարներ | Tagged , , , , , | Leave a comment

Հաշվի են առնվում բնապահպանների առաջարկները~

Posted on July 14, 2011 by

Փաստորեն այսօրվա կառավարությանը նիստը բավականին հետաքրքիր է անցել և ոչ միայն նրա համար որ մի շարք նախաձեռնություններ բողոքի միջոցառումներ էին կազմակերպել Կառավարության շենքի մոտ:

Պարզվում է, որ Կառավարությունը ոչ միայն լսում այլ նաև փորձում է փարատել բնապահպանների մտահոգությունները, մասնավորապես Խոսրովի արգելոցի հետ կապված:

Մի կողմից իհարկե «Խոսրովի անտառ» պետական արգելոցի պատմաճարտարապետական հուշարձանների վերականգնման և օգտագործման ծրագրի հաստատումը շատ ողջունելի քայլ է: Մյուս կողմից էլ պարզ չէ, բա մինչև այսօր այդ հարցերը ո՞նց էին կարգավորվում:

Էլ չասած, որ բնապահպանների մտավախությունները դժվար ծրագրեր~ ու զանազան կարգեր հաստատելով  փարատվեն, պարոն Վարչապետ:  Դա միայն կլինի այն դեպքում, երբ մենք համոզված լինենք որ բացառվելու են այն դեպքերը երբ Ձեր Կառավարությունը ուզածի պես արգելոցի ստատուս  կամ հողերի նշանակությունն է փոխելու,  Սևանի ջրբացթողումներ հաստատելու, հանքերի լիցենզիաներ տալու և այլն:  :Ճ

 

Posted in Հոդվածներ | Tagged , , , | Leave a comment

Վերջին 2,5 տարում «Հայանտառը» ժամանակավոր օգտագործման է տվել գրեթե այնքան տարածք, որքան նախորդ 5 տարում

Posted on July 12, 2011 by

Հետք-ում լույս է տեսել բավականին հետաքրքիր հոդված Հայաանտառի վերաբերյալ:  Ի՜նչ հետաքրքիր երևույթներ են բացահայտվում:  Հոդվածը անպայման արժե կարդալ: Բայց սենց մի հետաքրքիր բան էլ նկատեցի: Մի կողմից ասվում է, որ անտառները հատվում են, հենց Հայանտառնն էլ հատումներ է իրականացնում, մյուս կողմից էլ պարզվում է որ գերհասուն անտառներ կան ու դա խնդրահարույց է:

Continue reading →

Posted in Կարծիք | Tagged , , | 1 Comment

«Հայանտառ»-ը պասիվ դիրքորոշում ունի

Posted on July 11, 2011 by

Այն որ, «Հայանտառը» իր գոյությունը պահպանելու համար պետք է ծառ հատի նորություն չէ: Նորություն չէ նաև այն, որ «Հայանտառ»-ի աշխատակիցները բոլոր հանդիպումներին և քննարկումներին հպարտորեն ասում են, որ Հայաստանում ապօրինի ծառահատումների նվազման միտում կա: Միևնույն ժամանակ, «Հայանտառ»-ի տնօրինությունը ապօրինի ծառահատումների համար պատասխանատու է տեսնում մեր խեղճ ու կրակ գյուղացուն: Continue reading →

Posted in Հոդվածներ | Tagged , , , | 2 Comments

Անտառի հատումը անխուսափելի՞ է

Posted on June 16, 2011 by

Վերջերս Էկոլուրի թիմը եղել է Թեղուտում, հանդիպումներ ունեցել համայնքում:  Համայնքապետը մի քանի հետաքրքիր մտքեր է արտահայտել, որոնք կարող եք կարդալ ստորև:  Պարզապես չեմ հասկանում, ինչու համայնքի մասնակցության մասին խոսելիս չեն խոսւմ նաև նրա մասին որ հենց համայնքի ձայնը լսելի պետք է լինի նման ծրագրերի իրականացման առաջի օրից: Հենց սկզբից պետք է համայնքը իր դիրքորոշումը ասի` կողմ է թե դեմ անտառը հատելուն, այլ ոչ թե հետո մասնակցի քննարկումներին թե ինչքան հատվի ու ում վաճառվի:

ԷկոԼուրի նյութը

«Անտառահատմանը միշտ էլ ես դեմ եմ: Ես երբեք չէի ուզենա, որ անտառը հատվի, բայց գիտեք, պահեր կան, որ անխուսափելի է այդ անտառահատումը,- «ԷկոԼուր»-ի հետ զրույցում ասաց Թեղուտի համայնքապետ Հարություն Մելիքսեթյանը,-  այստեղ կտրում են, գոնե ուրիշ տեղեր արգելվի անտառահատումը, ընդհանրապես արգելվի, նույնիսկ մարդու մուտքն արգելվի: Ես այդ ձեւի եմ կողմնակից»: Continue reading →

Posted in Տեսանյութեր | Tagged , , , , | Leave a comment

Ծառ ու ծաղկի ձոր = Ծաղկաձո՞ր

Posted on June 15, 2011 by

Ծաղկաձորում լինելը շատ ծանր եմ տանում: Ամեն տարի նոր տնակներ/հանգստյան տներ են հայտնվում` բնականաբար անտառի հաշվին:  Չգիտես ինչու կառուցապատողները չեն մտածում, որ Ծաղկաձոր գնացողները գնում են մաքուր օդի, գեղեցիկ տեսարանի, անտառի համար այլ ոչ բետոնապատ տարածքների համար:

Նայեք նյութը, հետաքրքիր տվյալներ կան ոչ միայն Ծաղկաձորի այլ նաև Հայաստանի այլ անտառածածկ տարածքների վերաբերյալ: 

Posted in Տեսանյութեր | Tagged , , , | Leave a comment

Dove ապրանքանիշի ազդեցությունը անտառների վրա

Posted on June 8, 2011 by

Իսկ դուք գիտե՞ք որ ձեր ամենօրյա ընտրությունները ազդում են անտառների վրա: Հայաստանում մեծամասամբ ընդունված չէ մտածել, ապրանքանիշերի «մաքրության» մասին, որտեղից, ինչ ու ում աշխատանքի շնորհիվ է ապրանքանիշը ստեղծվում, որ երկրի վրա ինչ ազդեցություն է ունենում:  Նայեք Greenpeace-ի տեսահոլովակը ու մտածեք. ճիշտ որոշումներ կայացնելու ժամանակն է:

Posted in Տեսանյութեր | Tagged , , | Leave a comment

Թեղուտի պաշտպանության խմբի հայտարարությունը` Շրջակա միջավայրի միջազգային օրվա առթիվ

Posted on June 6, 2011 by

Հայաստանի Հանրապետության Սահմանադրության 10-րդ հոդվածի համաձայն` «Պետությունն ապահովում է շրջակա միջավայրի պահպանությունը և վերականգնումը, բնական պաշարների ողջամիտ oգտագործումը»: Հայաստանի Հանրապետությունը միացել է մի շարք բնապահպանական կոնվենցիաների և ընդունել շրջակա միջավայրի գործողությունների ազգային ծրագիր:

Շրջակա միջավայրի պահպանության ոլորտում պետական կառույցները միջազգային ու օտարերկրյա կազմակերպություններից ամեն տարի ստանում են հարյուրավոր միլիոն դոլարների հասնող աջակցություն և նրանց ներկայացնում հաշվետվություններ` երկրի ստանձնած պարտավորությունների իրականացման մասին: Continue reading →

Posted in Հայտարարություններ | Tagged , , , | Leave a comment